Childhood, boyhood అనేవి noun గ్రూప్‌లో ఏ వ‌ర్గానికి చెందుతాయి?

ఇంత‌వ‌ర‌కు మ‌నం కంటితో చూడ‌ద‌గిన‌వి, ట‌చ్ చేయ‌గ‌లిగిన noun గ్రూపుల గురించి తెలుసుకున్నాం. కంటికి
క‌నిపించ‌నివి, కేవ‌లం ఆస్వాదించ గ‌లిగిన‌ నామ‌వాచ‌కాల గురించి ఇప్పుడు తెలుసుకుందాం. గుణ‌ముల పేర్లు,
స్థితుల పేర్లు, శాస్త్ర‌ములు లేక క‌ళ‌ల పేర్లు ఈ వ‌ర్గంలోకి వ‌స్తాయి. ఉదాహ‌ర‌ణ‌కు Childhood, boyhoodనే
తీసుకోండి. ఈ రెండు వ్య‌క్తి జీవితంలోని ప్రారంభ ద‌శ‌లు. మ‌నిషి ఎదుగుద‌ల క‌నిపిస్తుందికానీ... పెర‌గ‌డం
క‌నిపించ‌దు. అంటే వీటిని మ‌నం ఫీల‌వుతాంగానీ చూడ‌లేం. వీటినే Abstract Nouns అంటాం.
An Abstract Noun is usually the name of a quality, action or state అనేది దీని నిర్వ‌చ‌నం. వీటిలో చాలా
వ‌ర‌కు మ‌న భావ‌న‌లే. అంటే వీటిని మ‌నం ఫీల‌వుతాం (ఆస్వాదిస్తాం) కానీ చూడ‌లేం. Abstract Nounsలో 1. 
Qualities (గుణ‌ములు), 2. Action (ప‌ని), 3.State (స్థితి) ఉంటాయి.
Ex :
1. Qualities (గుణ‌ములు) : 
kindness (ద‌య‌ ), hardness (క‌ఠిన‌త్వ‌ము), goodness (మంచిత‌న‌ము), honesty (నిజాయితీ), bravery
(సాహ‌స‌ము), strength (బ‌ల‌ము), wisdom (తెలివి, విజ్ఙానం), darkness (చీక‌టి), brightness (వెలుతురు) 
freedom (స్వేచ్ఛ‌)

2. Action (ప‌ని) : theft (దొంగ‌త‌న‌ము), movement (క‌ద‌లిక‌), laughter (న‌వ్వు), judgement (తీర్పు),
hatred (అస‌హ్యించుకోవ‌డం)

3.State (స్థితి) : childhood (శైశ‌వ‌ము), boyhood (బాల్య‌ము), youth (య‌వ్వ‌న‌ము), slavery
(బానిస‌త్వ‌ము), sleep (నిద్ర‌ ), sickness (అనారోగ్యం), death (మ‌ర‌ణం) 

Read More

Army అనేది ఏ ర‌క‌మైన Nounలోకి వ‌స్తుంది?

Army అనేది Collective Noun. సైన్యం అనేది జ‌వానుల స‌మూహం. అంటే మ‌నుషులు, వ‌స్తువులు లేదా జంతువుల స‌మూహాల‌ను తెలిపేదే క‌లెక్టివ్ నౌన్. 
A Collective Noun is the name of a number or collection of persons or things taken together and spoken of as one whole అనేది ఇంగ్లీష్ నిర్వ‌చ‌నం. Ex : Crowd (జ‌న స‌మూహం), Mob (అల్ల‌రిమూక‌), Fleet (ఓడ‌ల గుంపు), Herd (ప‌శువుల మంద‌), Bunch (గుత్తి) మొద‌లైన‌వి...

Read More

Milk అనేది ఏ ర‌క‌మైన nounలోకి వ‌స్తుంది?

మ‌నం రోజూ తాగే పాలు కూడా ఒక noun. అలాగే Water, Oil, Ice, Rock కూడా. Milk, Water, Oil
అనేవి ద్ర‌వ ప‌దార్థాలు. Ice, Rock అనేవి ఘ‌న‌ప‌దార్థాలు. అంటే ఇవ‌న్నీ materials. అందుకే వీటిని Material 
Noun అంటారు.
Material Noun is the name of a material or substance అనేది దీని నిర్వ‌చ‌నం. విడివిడిగా కాకుండా
లెక్కించ‌డానికి వీలులేకుండా ఉండే ప‌దార్థాలు, వ‌స్తువుల పేర్లే మెటీరియ‌ల్ నౌన్స్. అంటే కుప్ప‌గాగాని,
ముద్ద‌గాగాని, ద్ర‌వ‌రూపంలోగాని, ఘ‌న‌రూపంలోగాని ఉన్న వ‌స్తువులు, ప‌దార్థాల పేర్లు.
వీటికి మ‌రిన్ని ఉదాహ‌ర‌ణ‌లు : Rice (బియ్యం, అన్నం), Sand (ఇసుక), Wool (ఉన్ని), Iron (ఇనుము).

Read More

Common noun విష‌యంలో ఎందుకు తిక‌మ‌క ప‌డ‌తారు?

2. Common Noun : A Common Noun is a name given in common to every person or thing.
పేర్లు వేరు. కానీ మ‌నుషులు ఒక‌టే క‌దా! అలాగే ప‌ట్ట‌ణాలు, న‌గ‌రాలు కూడా. ఒక్కో న‌గ‌రానికి ఒక పేరుంటుంది. ఒక్కో మ‌నిషికి ఒక పేరుంటుంది. ఈ పేర్ల‌ను సూచించేవి ప్రాప‌ర్ నౌన్స్ అయితే... మ‌నుషులు, ప‌ట్ట‌ణాలు, న‌గ‌రాలు అనేవి Common nouns. ఎందుకంటే మ‌నిషి అంటే ఎవ‌రైనా కావ‌చ్చు. బాలుడు అంటే ఏ బాలుడైనా కావ‌చ్చు. ప‌ట్ట‌ణం అంటే ఏ ప‌ట్ట‌ణ‌మైనా కావ‌చ్చు. అంటే ఇక్క‌డ సాధార‌ణంగా కొంత‌మందికి వ‌ర్తించేలా, లేదా కొన్ని వ‌స్తువులు, ప్ర‌దేశాల‌కు వ‌ర్తించేలా క‌లిపి చెప్తాం కాబ‌ట్టి దాన్ని కామ‌న్ నౌన్ అంటాం.
Ex : Krishna is a good boy. ఇందులో boy అనేది Common Noun. ఎందుకంటే Krishna అనేది ప్ర‌త్యేక‌మైన పేరు అంటే ప్రాప‌ర్ నౌన్. కానీ boy అనేది ఏ మ‌గ పిల్లాడికైనా వ‌ర్తిస్తుంది. అందుకే ఇది Common Noun.
       Radha is a good girl. ఇందులో girl అనేది Common Noun. ఎందుకంటే Radha అనేది ప్ర‌త్యేక‌మైన పేరు అంటే ప్రాప‌ర్ నౌన్. కానీ girl అనేది ఏ ఆడ పిల్ల‌కైనా వ‌ర్తిస్తుంది. అందుకే ఇది Common Noun.
     Hyderabad is the best city. ఇందులో city అనేది Common Noun. ఎందుకంటే Hyderabad అనేది ప్ర‌త్యేక‌మైన పేరు అంటే Proper noun. కానీ city అనేది ఏ నగ‌రానికైనా వాడొచ్చు. అందుకే ఇది Common Noun.
మ‌రికొన్ని ఉదాహ‌ర‌ణ‌లు : Man, woman, friend, student, town, village, river, vehicle, animal, tree, bird, insect...

Read More